CrokoClub Forum Index

historia e F.k. Vllaznia

Shiko temën e mëparshme Shiko temën pasuese Shko poshtë

historia e F.k. Vllaznia

Mesazh nga Croko prej Tue Feb 24, 2009 7:02 pm

Futbolli shqiptar i ka fillimet e hershme qe pas pavarsise se Shqiperise .Ne shume qytete te vendit filloj te luhet nje loje e re sportive me emrin "Futboll" . Ne Shkoder , Vlore, Korce e ne disa qytet te tjera filluan te zhvilloheshin ndeshje te tilla futbolli . Ne Shkoder shume lagje te vjetra shkodrane filluan te ndesheshin ndermejet tyre duke krijuar nje interes te vecante ne popullsine e asokohe.



Foto e vitit 1913 mbas nje ndeshje futbolli të zhvilluar ne Shkodër

Duke pare interesimin e madh ndaj ketij sporti filluan te krijoheshin grupe te vogla sportive te cilet me vone do te krijojne nje Shoqeri te vetme sportive me emrin Vllaznia. Shoqeria Vllaznia ështe themeluar me 16 shkurt te vitit 1919 , ku nismetaret ishin anetaret e shoqates "Mustafa Pasha" dhe "Vaso Pasha" të cilët u bashkuan duke krjuar njo shoqeri te vetme me emrin "Vllaznia" . Programi i saj kuptohet nuk ishte vetëm sportiv, por pikërisht në vitet e mëvonshme do ta bënte ketë emër mjaft të njohur, jo vetem ne Shqipëri por edhe më gjerë . Ndër themeluesit e shoqërisë "Vllaznia" mund të përmendim emrat e Hile Mosit që u zgjodh kryetar, Hysen Draçini nënkryetar e Jonuz Tafili sekretar. Ndërsa kryetari i degës së gjimnastikës u zgjodh Kolë Margjini. Kjo Shoqëri do të luante një rol shumë të madh në zhvillimin e llojeve te ndryshme te sportit në vendin tonë . Madje pikerisht në Shkodër e kanë fillesën sporte si futbolli, çiklizmi, atletika, hipizmi, etj. Kjo shoqeri do të ishte e para shoqëri e ketij lloji ne vendin tonë.


Ekipi i Vllaznise ne vitin 1945

Shoqeria "Vllaznia" ka gjurme në historinë e vendit tone. Një histori e terë kaluar permes suksesesh e peripecish qe ka lene mbresa. Mbi te gjitha ka lene te shkruar ne historine e sportit shqiptar shume emra e personazhe qe kane te bejne pikërisht me kete klub. Ne vitet ne vazhdim Sporti i futbollit ne shqiperi filloi te behej popullor dhe te luhej ne rang amator ku Vllaznia ishte dhe nje nder promotoret e ketij evenimenti te ri . Pastaj me vone do te krijoheshin edhe shoqeritë e tjera si ne Korçë , Tiranë, Vlorë, Durrës, Elbasan, etj. Ne vitin 1930 te gjithë ekipet e krijuara do te themelonin Federaten Shqiptare te Futbollit . Po ne kete vit do te luhej edhe Kampionati i pare Shqiptar profesionist ne te cilen moren pjesë 6 skuadra ku padyshim Vllaznia ishte nje nder pretendentet si edhe nismetarët. Vllaznia gjithashtu do te jete finaliste ne edicionin e parë te kupës së Shqiperisë ne vitin 1938 , ku do te
ndeshej me Tiranën e cila triumfoi.
Loro Boriçi , viti 1946 , merr kupen e Ballkaniades.

Vitet gjate luftës së 2-të Boterore aktivitet sportive do te ndrepriten per te rifilluar pas luftës. Pas vitit 1945 për klubin Vllaznia do të nisnin sfida të reja .Ku ne keto vite dhe saktesisht 1945 dhe 1946 Vllaznia do të fitoje 2 herë rradhazi Kampionatin Shqiptar, biles ne vitin 1946 Vllaznia i fiton te gjitha ndeshjet duke marre 100% te pikëve të mundshme.

Ne keto vite nuk mund te lemë pa permendur lojtaret e me famë si Loro Boriçi, Muhamet Dibra, Xhelal Juka, Bimo Fakja, Met Vasija e shume e shume te tjere. Ne vitet ne vazhdim Vllaznia paraqitet gjithmone si pretenduese duke qene ekipi i vetem nga rrethet që do të konkurojë treshen e ekipeve të kryeqytetit .

Viti 1946 Vllaznia kurorzohet kampione e vendit

Ne vitin 1961 Vllaznia fiton kupën e Gazetes "Sporti Popullor" .Ne vitin 1965 Vllaznia do ti kthehet Trofeut duke fituar kupen e Shqiperisë kunder Skenderbeut te Korçës. Per 3 edicione me pas Vllaznia do te jete serish protagoniste ne kete edicion duke qenë serish finalste por kesaj rradhe kunder Partizanit dhe saktesisht ne vitet 1966 ,1968 ,1970 te cilat do ti humbi që të treja.

Vllaznia 1965

Vllaznia fituese e Kupes 1965



Ne evenimentet e viteve 1971-72 Vllaznia do te jete fituese si e kupes po ashtu edhe e kampionatit. Në keto vite do te spikasin emrat e njohur te futbollit si Mehdin Zhega ,Sabah Bizi,Paulin Ndoja, Ramazan Rragami,Ismet Hoxha,Esat Rakiqi, etj. Një edicion më vonë 1972-1973 ku po ai brez lojtaresh te 2 viteve me pare do ta shpallin Vllazninë sërish kampione të vendit. Ne vitin 1977-78 Vllaznia do te jete serish kampione e Vendit.

Vllaznia kampione e vendit 1977-78

Po ne kete vit Vllaznia do te marre pjese ne kupat europiane ku do te ndeshet me ekipin e Autrise te Vjenes ku ndeshjen e pare ne Shkoker do e fitoje me rezulatatin 2-0 me gola te Zheges dhe Ballgjinit, kurse ndeshjen e kthimit do e humbi me rezultatin 4-1.

Vllaznia-Austria Vien , viti 1978 , kupa e kampioneve. Goli i pare shenuar nga M.Zhega

Nje vit me vone 1979 Vllaznia do te fitoje kupen e Shqiperise kunder Dinamos.Me pas ne vitin 1981 Vlaznia do te shpallet per here të 4 fituese e kupës së Shqipërisë kunder Besës së Kavajes, kurse 1 vit me vonë 1982-83 do te fitoje kupën e gazetës "Bashkimi" si edhe kampionatin shqiptar. Ne kete brez lojtaresh qe arriten keto suksese permendim Ferid Rragami, Hysen Zmijani, Astrit Hafizi, Hysen Dedja, Ferid Borshi, Seit Çanga ,etj.


Ekipi i Vllaznise 1982

Ne vitin 1987 Vllaznia do te fitojë sërish kupen e Shqiperisë kunder Flamurtarit të Vlorës.Kjo eshte hera e fundit qe ekipi shkodran provon shijen e fitores se Kupes se Shqiperise.Vllaznia i ka shkuar disa here afer ne vitet e fundit duke arritur ne gjysemfinale dhe finale,por duke u mundur gjithmone nga ekipet e kryeqytetit.Ne vitin 1992 Vllaznia shpallet perseri Kampione e Shqiperise.Ky sukses do te vinte pas 7 vitesh pritjeje.Nder lojtaret me te spikatur te atij edizioni ishin:Avenir Dani,Astrit Premçi,Hysen Dedja,Brikeno Bizi,Zamir Shpuza,Edi Martini etj.Vitet ’90 per Vllaznine do te sjellin edhe shume risi. Lideri i Dhjetorit Azem Hajdari do te behet president i saj,por jo me shume sukses.Pas tij do te vije edhe njeriu me i suksesshem ne krye te Vllaznise;Myftar Cela.Ky njeri i thjeshte nga qyteti i Bajzes fillon menjehere punen duke nxjerre ekipin shkodran nga shume peripeci, e ne fakt ne sezonin 1997-98 do te vije edhe gezimi i pare i presidentit shkodran. Fale talenteve te reja qe kishte ekipi si Edi Martini,Vioresin Sinani,Suad Lici,Armando Cungu etj Vllaznia shpallet Kampione e Shqiperise per te 8-ne here duke lene prapa si Partizanin rivalin nr.1 ashtu edhe Tiranen .Po kete vit ne stadiumin “Qemal Stafa” te Tiranes,Vllaznia mund 5-4 me penallti Apollonine e Fierit dhe fiton superkupen e Shqiperise.

Vllaznia 1997-98

Vllaznia kampione e vendit 1997-98

Pas dy sezonesh ku dominoi Sk Tirana vjen rradha e Vllaznise.Eshte sezioni 2000-2001. Presidenti Cela shpenzon shume dhe blen lojtaret me te mire ne treg. Fale cilesive te Sinanit, Klodian Duros, Edi Martinit, Saimir Patushit, Luan Zmijanit, etj., Vllaznia shpallet Kampione e Shqiperise per te nenten here. Ne Shkoder fillon festa dhe padyshim qe njeriu kryesor i ketij suksesi cilesohet presidenti Myftar Cela. Stadiumi “Loro Borici” ne ndeshjen e fundit kunder Shkumbinit ishte i mbushur plot e perplot saqe ishte e veshtire te gjeje vend ne kembe. Ndeshja perfundon me rezultatin spektakolar 6-4 per ekipin shkodran. Te dyja ekipet dhuruan spektakel per 16.000 te pranishmit ne shkallet e stadiumit.

Vllaznia 2000-2001

Vllaznia kampione e vendit 2000-2001

Pas ketij suksesi ne Shqiperi per Vllaznine erdhi koha e ndeshjeve europiane. Kundershtari i shkodraneve ne turin e pare elelinator te Liges se Kampioneve jane eshte ekipi islandez i FC Reykjavik. Ne islande ndeshja perfundon me rezultatin e ngushte 2-1 per vendasit, duke lene te hapur kualifikimin. Ndeshja e kthimit luhet ne Tirane ne stadiumin “Qemal Stafa” ne ate kohe i vetmi nderkombetar ne Shqiperi. Ndeshja perfundon me nje fitore te madhe te Vllaznise 1-0 me gol te Klodian Duros. Shorti ve perballe Vllaznine me ekipin turk te Gallatasarait. Ne Turqi pas nje loje te shkelqyer,Vllaznia mundet 2-0. Duhet thene qe ekipi shkodran ishte me te vertete i pafat. Ne Tirane ndeshja perfundon si mos me keq 1-4 per ekipin turk. Sinani me ane te golit te pare beri qe te gjithe te besojne ne nje permbysje te madhe, por dalja me karton te kuq e Dibres veshtiresoi gjithcka ne vazhdim. Po ne vitin 2001 Vllaznia korr nje sukses tjeter duke fituar Superkupen e 2-te. Presidenti Cela ne vitin ne vazhdim duke pare se nuk ishte e nevojshme qe Vllaznia te shkonte ne Tirane sa here qe kishte ndeshje nderkombetare vendosi te investoje perseri per stadiumin “Loro Borici”.Pas shume punimeve stadiumi mori nje pamje madheshtore duke u kthyer ne stadium nderkombetar.Duhet thene qe stadiumi “Loro Boriçi” ka fushen me te mire ne Shqiperi sic eshte deklaruar me vone edhe nga ish-trajneri i kombetares Hans-Peter Briegel. Ne vitet ne vazhdim presidenti Cela dha premtimin e tij se do te krijonte nje Vllazni te madhe per t’iu kundervene ekipeve kryeqytetase. Por ne nje nate qershori jeta e tij prehet ne mes. Endrra e tij për te pare Vllaznine duke luajtur ne Shkoder ndeshjet nderkombetare nuk u realizua, per shkak vdekjes se tij te parakohshme. Presidenti Myftar Cela vritet ne Tuz te Malit te Zi me date 14 qershor 2003, duke shkaktuar dhimbje ne mbare qytetit verior.

Myftar Cela

Ish presidenti i Vllaznise i ndieri Myftar Cela.

Pas kesaj ngjarjeje per Vllaznine fillojne edhe problemet financiare, ku ekipi gati sa nuk rrezikon te shkrihet. Por nen drejtimin e profesorit te madh Medin Zhega fale edhe ndihmes te disa biznesmeneve shkodran ekipi ngrihet ne kembe perseri dhe behet gati per sfiden e Kupes Uefa. Perballe do te jene skocezet e Fc Dundee.Ndeshjet per Vllaznine nuk kane shume histori, duke i humbur te dyja ato. Me ardhjen e biznesmeneve shkodran ne krye te ekipit dhe fale edhe forcimit ekonomik Vllaznia ne sezonin 2003-04 arriti ne vendin e dyte ne klasifikim duke marre pjese ne kupen Uefa. Vllaznia ne kampionatin 2004-2005 kishte pretendime serioze, por gjerat nuk rrodhen sic duhet dhe ekipi shkodran klasifikohet ne vendin e 4-te duke humbur edhe shansin per te luajtur ne kupat e Europes. Ne sezonin 2005-06 Vllaznia nen drejtimin e donatoreve me ne krye Agron Celen, Xhevdet Amullin dhe Valter Fushaj zhgenjen tifozet e shumte shkodrane duke u renditur ne vendin 6-te vetem 3 pike larg kategorise se dyte, kurse ne kupen e Republikes arrin ne finale por duke e humbur ate kunder Tiranes me rezultatin 1-0. Ne sezonin 2006-07 ne krye te Vllaznise zgjidhet president ish-zv.presidenti Valter Fushaj i cili premton nje Vllazni te madhe te denje per emrin e saj qe mbart, por pa arritur te siguroje fitimin e kampionatit apo te Kupes se Republikes. Ne sezonin 2007-08 Vllaznia zhgenjen serish ne kampionat por arrin te shndrise ne Kupen e Republikes ku arrin te marre "hakun" e edicionit te kaluar Tiranes, ku fiton me rezultatin 2-0, si edhe duke kthyer ne Shkoder Kupen e Republikes mbas 10 viteve.

Vllaznia 2000-2001

Vllaznia fituese e Kupes se Republikes 2008

Ne 2008 Vllaznia merr pjese ne kupen Uefa ku arrin te kualifikohet ne turin e pare kurse ne turin e dyte Vllaznia luan kunder skuadres italiane Napoli te cilat i humb te dyja. Ne kete sezon (2008-09) Vllaznia udheheq me sukses kampionatin duke pretenduar seriozisht per fitimin e kampionatit te cilin tifozat shkodrane shpresojne qe te vije sa me pare Shkoder.

_________________

Nese rrezikon mund te humbasesh, nese nuk rrezikon ke humbur gjithesesi


CrokoClub@hotmail.com

Croko
Shqiptar Krenar
Shqiptar  Krenar

Male Numri i postimeve : 1056
Age : 37
Location : Shkoder
Registration date : 25/09/2008

http://www.CrokoClub.tk

Mbrapsht në krye Shko poshtë

Re: historia e F.k. Vllaznia

Mesazh nga bilis-alb prej Sun Jun 14, 2009 9:12 pm

pershendetje

bilis-alb

Male Numri i postimeve : 3
Registration date : 14/06/2009

Mbrapsht në krye Shko poshtë

Re: historia e F.k. Vllaznia

Mesazh nga bilis-alb prej Sun Jun 14, 2009 9:14 pm

ju lutem desha me dite ,te gjithe lojtaret e vllaznise qe ka pase nder vite , qyshe se ashte formu ekipi i vllaznise

bilis-alb

Male Numri i postimeve : 3
Registration date : 14/06/2009

Mbrapsht në krye Shko poshtë

Re: historia e F.k. Vllaznia

Mesazh nga bilis-alb prej Sun Jun 14, 2009 9:15 pm

[quote="bilis-alb"]ju lutem desha me dite ,te gjithe lojtaret e vllaznise qe ka pase nder vite , qyshe se ashte formu ekipi i vllaznise dhe deri tani ne kete moment flm

bilis-alb

Male Numri i postimeve : 3
Registration date : 14/06/2009

Mbrapsht në krye Shko poshtë

Re: historia e F.k. Vllaznia

Mesazh nga Sponsored content Today at 6:29 pm


Sponsored content


Mbrapsht në krye Shko poshtë

Shiko temën e mëparshme Shiko temën pasuese Mbrapsht në krye


 
Drejtat e ktij Forumit:
Ju nuk mund ti përgjigjeni temave të këtij forumi